LÍFLEGT KAFFIHÚS VIÐ HÖFNINA

NOTALEGT KAFFIHÚS FYRIR SÆLKERA OG KAFFIUNNENDUR.

Lífið við höfnina blómstrar svo sannarlega. Kaffislippur er enn ein rós í hnappagat Reykjavík Marina, staðsett í vesturenda hússins. Notalegt kaffihús fyrir sælkera og kaffiunnendur. Kaffi er okkur á Kaffislipp hugleikið, enda kaffidrykkja dásamleg félagsleg athöfn sem við viljum rækta og nostra við. Kaffivélin okkar hreinlega malar þegar hún fær að sýna sig og sanna. Við leggjum mikið upp úr því að gestir okkar fái bæjarins besta kaffi, hvort sem þeir kjósa uppáhelling eða skemmtilega blöndu sem möluð er á staðnum af fagfólki. Kókostoppar, sörur, gómsætar makkarónur og fleira “hjemmelavet” gúmmelaði bragðast svo undursamlega með kaffinu.

HEIMALAGAÐ LJÚFMETI AF BESTU GERÐ

Heimalagað ljúfmeti af bestu gerð sem bæði er hægt að neyta á staðnum og grípa með sér.

Sérgreinar Kaffislipps eru margnaður morgunmatur, alls konar kaffi, létt hollusta og síðast en ekki síst klikkaðar kræsingar. Við leggjum mikið upp úr því að skapa skemmtilega stemningu á Kaffislipp með hinum ýmsu viðburðum, svo sem tónlistarviðburðum, bókaupplestrum og annarskonar listsköpun.

Við bjóðum meðal annars upp á:

  • Súrdeigsbrauð með avókadó og tómötum

  • Súpu dagsins

  • Chia graut með kakó, döðlum, kókos og möndlumjólk

  • Hrært skyr með múslí og berjum